الارشيف / أخبار العالم / صحف مصر / التحرير

أديب للسيسي: «الشعب لو اتقرص في الدعم هينتخب غيرك.. إحنا بعنا مبارك في يوم»

ارسال بياناتك

طالب الإعلامي عمرو أديب، الرئيس عبد الفتاح السيسي، بعدم السماع لبعض مطالبات المصريين مثل: "زود مدتك يا ريس، خليهم 6 سنين".

وقال أديب، خلال حلقة برنامجه "كل يوم"، على قناة "on e"، اليوم السبت: "لا الريس يقعد 4 سنين، و4 سنين بس لو أعيد انتخابه"، وتابع: "يا ريس دول منافقين".

وذكر: "ساعات بحس الريس مش عايز يقعد مدة تانية، ابعدوا عن الراجل، الشعب المصري مش بيحب الديمقراطية، في آخر المدة نشوف الريس عمل أيه ونشوف نعيد انتخابه ولا لأ".

وأضاف: "الريس عمل كويس ياخد فترة تانية، الإنجازات مش قوية يبقى مفيش دورة تانية"، متابعًا: "الشعب باع مبارك في يوم وليلة يا ريس، الشعب لو اتقرص في الدعم هينتخب غيرك، أوعى تصدق بالروح والدم صدق شغلك".

وأوضح أديب أنه لا يوجد في العالم أحد يهتف باسم الرئيس، مشيرًا إلى أنه لا يوجد شخص في أمريكا يهتف بالروح نفديك يا ترامب.

وتابع: "مظنش نشوف مناظرة زي بتاعة أمريكا في مصر، مصر بلد الطبلة والرق والمحسوبية".

شاهد أيضا

كما شدد على أنه لا صحة لمقولة أن الرئيس جيد ولكن من حوله فاشلون أو لا يستطيعون مواكبة تطلعاته، قائلًا: "الكلام ده اتقال على كل الرؤساء، في الآخر الرئيس رئيس مجلس إدارة البلد ومسؤول عن كل حاجة حلوة ووحشة فيها".

وتساءل: "نسبة الرضاء عن السيسي 87%.. إيه يا جماعة أمال اللي أنا بقابلهم في الشارع دول مين، مش عاوزين رئيس نحبه، عاوزين رئيس يفيدنا".

وأضاف: "يجب إعلام الجميع أن الوضع صعب، فلوس مهربة، عجز كبير في الميزان التجاري، ورغم كده الحكومة طالعة مبتسمة طول الوقت، ورئيس بيطلع طول الوقت بيشيع الأمل، لا واجه الناس بالأزمات". 

وتابع: "الجميل في مصر أن مفيش أزمات مستمرة، إنما شعب غريب تحصل أزمة يقولك مش قادرين نعيش من غير أرز وسكر، والمسؤول يبقى طالع عينه عشان يوفر حاجة".

واختتم: "الجيش نزل ضد مبارك المدرعات مكتوبها يسقط مبارك لأنه الجيش طول عمره مع الشعب، لو في نظام بشار أو صدام كان زمانه دك رابعة، أنا ضد التدخل في الحياة المدنية لكن دي الأحوال، عايزين نسوانا وولادنا يبقوا زي السوريين وغيرهم، والجيزة تحارب القاهرة".

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا