الارشيف / ثقافة وفن / مصر العربية

بالفيديو| "غفير القصر" قصيدة جديدة لهشام الجخ

قدم الشاعر هشام الجخ أحدث قصائده والتي تحمل عنوان "غفير القصر" ، وذلك خلال حفلة ساقية الصاوي والتي قدمها يوم السبت الماضي الموافق 1 أكتوبر 2016.

 

ويقول الجخ في قصيدة "غفير القصر":-
 

غفير القصر أهم من الملك والقصر والحاشية
يتغير عليه وزرا يتغير عليه دواوين
وناس قاعده وناس ماشيه
وهو الشاهد الأوحد على الأحداث
هو اللي بأديه العدل
وهو اللي في إيديه الحصر
هو مراية التواريخ
وهو فيلسوف العصر
وأنت الفارس الخيبان
لما الأرض ضاقت بيك طلعت جبان
هربت في قطر أحلامك وسبت البيت
أميرة القصر ضحكتلك رميت اللي في إيديك وجريت
ياواد اللي في إيديك كان نور
أميرة القصر مش أحلى بنات الحور
ولا أنت الفارس الأوحد ولا الددبان
وسور القصر طول عمره بيتفرج علي الفرسان
ييجوا كل يوم يتلموا بره الخط
وعمر ماحد فكر فيهم أنه ينط
يباتوا زي ما يباتوا
يهاتوا زي ما يهاتوا
ويرجع تحت رجليها ويوهب عمره وحياته
وبرضو تقوله مش عايزاك
لو حبك غفير القصر كان عداك
كان وداك لبلكونة الأميره تشوف
من جوه بيبقي اللعب ع المكشوف
يعني هتكدب الكدبه اللي كل الناس بتكدبها
وتحفظها وترسمها وتكتبها
هتقول أنك أنت اللي اعتليت السور
وجوعت شهور وعومت بحور عشان توصل لأحلامك
ساعتها الناس هتمشي وراك وهتأمن علي كلامك
وبالنسبه لغفير القصر يتغير
زهقنا خلاص من العواجيز
نشوفلك شاب وصغير
عشان يتربي على أيدك
يا فاكر غربتك عيدك
مفيش في الغربه غير سهرك
متغركش أنوارها دي غربه تقيله وبخليه
هتنش لحم أيامك وتديك خيرها بالتيله
مفيش في الغربة يابني الغربة غير الزيف
في وقت السرقه ليه يا أهبل عملت شريف

فيديو القصيدة...

اقرأ أيضًا:-

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا